«Բարսելոնա»-ն այլևս չպետք է հայտնվի նման իրավիճակում. Բուսկետս. Սպորտ

Կատալոնական «Բարսելոնա»-ի կիսապաշտպան Սերխիո Բուսկետսի կարծիքով` թիմն այլևս երկու գոլ բաց թողնելու իրավունք չունի:

«Մենք առաջին անգամ ենք հայտնվել նման իրավիճակում և այն այլևս երբեք չպետք է կրկնվի: Բաց թողնված երկու գոլերն անթույլատրելի էին մեզ համար: Պետք է ավելի ուշադիր լինել առաջիկա խաղերում»,- նշել է Բուսկետսը:

Հիշեցնենք` Իսպանիայի Պրիմերայի շրջանակներում կայացած «Սևիլիա»-ի դեմ խաղում «Բարսելոնա»-ն մեծ դժվարությամբ հաղթանակ տարավ` խաղի ավելացված ժամանակին Ալեքսիս Սանչեսի խփած գոլի շնորհիվ: