Վերջին 3 օրերին «Ֆուկուսիմա-1» ատոմակայանի տեխնիկական դիտահորի ջրի նմուշներում ռադիոակտիվ տրիտիումի պարունակությունն աճել է 23 անգամ՝ հասնելով մեկ լիտրի դիմաց 97 հազար բեկերելի: Այս մասին հայտնում է ճապոնական Kiodo գործակալությունը՝ հղում անելով կայանը շահագործող օպերատոր ТЕРСО ընկերությանը:
Փորձանմուշները վերցվել են դիտահորից, որը գտնվել է 20 մետր հեռավորության վրա այն ցիստեռններից, որոնցից տեղի է ունեցել 300 տոննա ռադիոակտիվ ջրի արտահոսքը:
Սեպտեմբերի 8-ի տվյալներով՝ տրիտիումի պարունակությունը մեկ լիտրում կազմել է 4200 բեկերել, դրանից հետո այն սկսել է անշեղորեն աճել:
Ճապոնացի մասնագետների խոսքով՝ դա վկայում է այն մասին, որ ռադիոակտիվ հեղուկը ներծծվել է հողի մեջ և, ինչպես նախկինում, ներթափանցում է գրունտային ջրեր:
