Իրանը կարող է կարճ ժամանակում միջուկային ծրագրի խաղաղ բնույթի երաշխիքներ տալ՝ նախապայմանով, որ կհարգեն Իրանի ատոմային էներգետիկա ունենալու, այդ թվում ուրանի հարստացման իրավունքը: Ինչպես հաղորդում է RIA Novosti-ն, այս մասին հայտարարել է Իրանի նախագահ Հասան Ռուհանին:
«Ես հայտարարում եմ, որ քաղաքական կամքի, փոխադարձ հարգանքի, ընդհանուր հետաքրքրությունների ապահովման և իրանցի ժողովրդի իրավունքների իրագործման դեպքում կարելի է երաշխավորել Իրանի միջուկային ծրագրի խաղաղ բնույթը»,- հայտարարել է նախագահը Համագործակցության շանհայական կազմակերպության գագաթնաժողովի նիստին:
Իրանի նախագահն ընդգծել է, որ երաշխիքի հնարավոր է հասնել կարճ ժամանակում փոխադարձ վստահության ամրապնդման միջոցով: