«Հայկական Ժամանակ» թերթը գրում է. «ՀՀ արտակարգ իրավիճակների նախարար Դավիթ Տոնոյանը պատասխանելով armtimes.com-ի հարցին՝ անդրադարձավ վարչապետ Կարեն Կարապետյանի՝ գազալցակայանների վերաբերյալ տված հանձնարարականին:
Վարչապետ Կարեն Կարապետյանը կառավարության նախորդ նիստում հանձնարարել էր արտակարգ իրավիճակների նախարարին ստուգումներ սկսել գազալցակայաններում՝ ուշադրության կենտրոնում պահելով մթնոլորտային գազի ճնշման չափի անհամապատասխանությունը: «Մեկ ամսվա ընթացքում ներկայացվելու է արդյունքները վարչապետին»,-ասաց Դավիթ Տոնոյանը:
Հարցին, թե արդյոք ստուգելո՞ւ եք Գագիկ Ծառուկյանին, Մհեր Սեդրակյանին եւ Հովիկ Աբրահամյանին պատկանող գազալցակայանները, նախարարը պատասխանեց. «Բոլորի գազալցակայանները ստուգվելու են կենտրոնացված կարգով»։
Դավիթ Տոնյանը կարծում է, որ խախտումների դեպքում հասարակությունը առավել քան համոզված պետք է լինի, որ նրանք պատասխանատվության կենթարկվեն։ Հարցին՝ Ձեր կարծիքով ինչո՞ւ է այս վիճակը, ոմանք արտոնությո՞ւն են ունեցել ոլորտում, ի՞նչն է պատճառը, որ այս վիճակն է, նախարարը նշեց, որ պատճառը թույլ կարգապահությունն է»:
Մանրամասները՝ թերթի այսօրվա համարում
