Եգիպտոսի արտգործնախարար Նաբիլ Ֆահմին սեպտեմբերի 16-18-ին կայցելի Ռուսաստան: Սա կլինի առաջին այցը Եգիպտոսում իշխանափոխությունից հետո: Այս մասին հաղորդում է Ռուսաստանի ԱԳՆ կայքը:
Եգիպտացի արտգործնախարարը բանակցություններ կանցկացնի իր ռուս գործընկեր Սերգեյ Լավրովի հետ: Կողմերը կքննարկեն միջազգային և տարածաշրջանային հարցեր՝ Մերձավոր Արևելքում ընթացիկ իրավիճակի շեշտադրմամբ:
Սա կլինի Եգիպտոսի արտաքին գերատեսչության ղեկավարի առաջին այցը Ռուսաստան՝ 2013թ. հուլիսին Եգիպտոսում իշխանափոխությունից հետո:
«Այս կապակցությամբ նախատեսվող բանակցությունները թույլ են տալիս ուշադիր քննարկել ձևավորված իրավիճակը Եգիպտոսում, քաղաքական գործընթացը վերսկսելու խնդիրները, որոնք կոչված են ապահովելու պետական մարմինների գործառույթները՝ երկրի քաղաքացիների հիմնարար ազատությունների և իրավունքների պաշտպանության պատշաճ մակարդակով»,- նշել են գերատեսչությունում:
