Մեծ Բրիտանիայի խորհրդարանի ստորին պալատի փոխխոսնակ Նայջել Էվանսը հրաժարական է տվել այն բանից հետո, երբ նրան հերթական անգամ մեղադրել են սեռական բնույթի հանցագործության մեջ՝ հայտնում է ВВС-ն:
Սկզբում գեյ քաղաքական գործչին վերագրվել է երկու նման դրվագ, այնուհետև դրանց թիվը հասել է 5-ի: Երեքշաբթի դատախազության ներկայացուցիչները հայտնել են, որ Էվանսի դեմ առաջադրվել է 8 կետից բաղկացած մեղադրանք՝ բռնաբարությունների և սեռական ոտնձգությունների համար:
Քննության տվյալներով՝ հանցագործությունները ենթադրաբար կատարվել են 2003-2013թթ.:
Հաղորդվում է, որ երեքշաբթի առավոտյան Լանքաշիր կոմսությունում ոստիկանությունը ձերբակալել է Էվանսին սեռական ոտնձգության մասին երկու մարդուց բողոք ստանալուց հետո: Նա հերքում է մեղադրանքները՝ նշելով, որ ինքը լավ է ճանաչում այդ մարդկանց և նրանց համարել է իր ընկերները:
Գործով առաջին լսումները հավանաբար տեղի կունենան սեպտեմբերի 18-ին:
