Որոշ նախապայմաններ կան Երևանի ավագանու ընտրություններում հաղթանակ արձանագրելու համար, և «Ելք»-ը գնում է հաղթանակի: Փորձելու ենք լինել հակակշիռ ՀՀԿ-ին»: «Առաջին լրատվական»- ի հետ զրույցում ասաց նորընտիր խորհրդարանի պատգամավոր, «Ելք» դաշինքի անդամ Գևորգ Գորգիսյանը:
«Մենք կարող ենք շատ փոփոություններ անել,- նշեց Գորգիսյանը՝ չբացառելով, որ Ելքը անհրաժեշտության դեպքում կարող է համագործակցել նաև մյուս քաղաքական ուժերի հետ. «Քաղաքականությունը հնարավորի արվեստ է, պետք է հնարավորություններն օգտագործենք,- նշեց պատգամավորը՝ հավելելով, որ կհամագործակցեն այլ ուժերի, այդ թվում նաև «Ծառուկյան» դաշինքի հետ, որպեսզի կարողանան իրենց ներկայացրած ծրագրերն անցկացնել:
Անդրադառնալով դիտարկմանը, որ կարծիք կա, թե Ելք-ը արտաքին կողմնորոշումների առումով շեղվել է նախանշած ուղուց, գորգիսյանը հավաստիացրեց, որ «Ելք» – ն առաջնորդվում է ի սկզբանե ստորագրված համաձայնագրով. «Որպես հեռանկար Ելք դաշինքը տեսնում է Ասոցացման պայմանագրին ընթացք տալը, ՀԱՊԿ-ում մեր անդամակցության նպատակահարմարության վերաբերյալ հարց բարձրացնել և այլն: ԵՏՄ անդամակցության որևէ օգուտ դեռևս չենք տեսել, ոչ ոք չգիտի, թե այդ կառույցի նպատակը որն է, զարգացման հեռանակր չկա, պետք է ԵՏՄ անդամակցության հարցը լինի քննարկման առարկա, բայց ցավոք մենք ունենք 9 մանդատ և զգալի ազդեցություն չենք կարող ունենալ այդ որոշման կայացման հարցում:
«Եթե մենք ուզում ենք արդյունքը փոխվի, պետք է կարողանանք ընթացքի վրա ազդել, մենք գնում ենք ընթացքի վրա ազդելու, թե ինչքանով կկարողանանք ազդել, կախված կլինի քաղաքացիներից, ովքեր կկանգնեն մեր կողքին»,- նշեց Գորգիսյանը:
Անդրադառնալով դիտարկմանը, որ Հայաստանում կա ժողովրդի ռադիկալ մի հատված, որը մերժում է ընտրությունները, կողմ է ընդվզումներին, չի բացառում զենքով պայքարը, Գորգիսյանը նշեց. «Մենք զինված ապստամբության կողմնակիցների ձեռքը բռնողը չենք, ուզում են զինված ապստամբություն, թող անեն, բայց մենք այլ ուղի ենք բռնել՝ գտնում ենք, որ էվոլյուցիոն ճանապարհով պետք է փոփոխությունների հասնել՝ մանր քայլերի արվեստով:
Հ.Գ. Գևորգ Գորգիսյանի հետ հարցազրույցը արվել է Կոնգրես-ՀԺԿ դաշինքի ՍԴ դիմումի քննության որոշումից առաջ:
Մանրամասները՝ տեսանյութում:
