Փոխադրողների միության նախագահն այսօր ներկայացրել է Երևանի քաղաքապետարանի տրանսպորտի բարելավման ծրագրի հաշվարկը, որտեղ տրանսպորտի գինը հաշվարկած է 202 դրամ: Այսքան բարձր գնի հիմնական պատճառն ըստ Հրանտ Եզիազարյանի ավտոպահեստամասերի բարձր գներն են: Նա առաջարկում է ուղեվարձը թողնել 100 դրամ և աստիճանաբար փակել երթուղիները կամ միանգամից սահամանել 200 դրամ ուղեվարձ:
Սպառողների միության նախագահն էլ է հաշվել, բայց ուղևորների թիվը: Երևանում օրական տրանսպորտից օգտվում է 600 հազար մարդ: Ստացվում է, որ օրական ցանցը ստանում է 60 մլն դրամ: Եվ հռետորական հարց. ո՞ւր են գնում այդ գումարները:
Ըստ Արմեն Պողոսյանի, Երևանում գործում է 660 ավտոբուս, որից 100-ն անսարք է, 23 երթուղի չի էլ սպասարկվում: Սակայն այստեղ Փոխադրողների միության նախագահն ունի իր պատասխանը: Ըստ նրա առանց այդ էլ փոխադրողները ծախսեր շատ ունեն, իսկ երթուղու սակագինը չի թույլատրվում բարձրացնել: «2005-2013թթ. Հայաստանում սպառողական գները բարձրացել 54%-ով: Իսկ մեր սակագինը նույնն է մնացել: Այդ պատճառով էլ մենք ստիպված ենք խնայել:», – պատասխանել է Եղիազարյանը:
