Deep Purple խմբի մենակատար Յան Գիլանը հարցազրույց է տվել Noisecreep.com կայքին, որտեղ անդրադաձել է Հայաստանում ունեցած համերգին և Գյումրիի երաժշտական դպրոցին ցուցաբերած օգնությանը:
«Ես աշխարհի այդ անկյուն եմ այցելում և գործունեություն ծավալուն արդեն երկար տարիներ: Ես ինձ շատ կապված եմ զգում այդ ժողովրդի և նրա մշակույթի հետ: Անցած տարի ելույթ ունեցա Հայաստանի ֆիլհարմոնիկ նվագախմբի հետ, և դա իմ կյանքի ամենահիշարժան պահերից մեկն էր: 1988 թ. Հայաստանում երկրաշարժ է տեղի ունեցել, և երկիրը դեռ փորձում է վերականգնվել դրանից հետո: Ես կարծում եմ, որ Գյումրիի երաժշտական դպրոցի վերականգնումը լուրջ փոփոխություններ կմտցնի»,- ասել է Գիլանը: Կայքը նշում է, որ Գիլանը Հայաստանում ստացել է այդ երկրի բարձրագույն շքանշաններից մեկը:
Հիշեցնենք, որ Յան Գիլանը և ընկերները պարբերաբար օգնություն են ցուցաբերում Գյումրիի երաժշտական դպրոցին: Այդ նպատակով նրանք ձայնագրել են երգեր և համերգներ տվել, որոնցից ստացված գումարներն ուղղվել են այդ դպրոցին:
