«Առաջին լրատվականը» տեղեկացրել էր, որ Մալթայում շաբաթ օրը տեղի է ունեցել հանրաքվե, որի ժամանակ այդ երկրի քաղաքացիները պետք է որոշեին՝ թույլատրե՞լ այդ երկրի քաղաքացիներին ամուսնալուծվել, թե՞ ոչ, քանի որ այդ երկրում ամուսնալուծությունը գրեթե անհնար է:
Հանրաքվեի ժամանակ Մալթայի քաղաքացիների 53%-ը կողմ քվեարկեց ամուսնալուծությունները թույլատրելու օգտին: Այս մասին հաղորդում է Deutsche Welle-ն:
Այն մասին, որ հանրաքվեի ժամանակ մեծամասնությունը կողմ է արտահայտվել ամուսնալուծություններին, հայտարարել է երկրի վարչապետը: Նա դեմ է եղել այս հանրաքվեին, սակայն հայտարարել է. «Թեև դա այն արդյունքը չէ, որ մենք ուզում էինք, սակայն ժողովրդի կամքը պետք է հարգել»:
Միաժամանակ նշվում է, որ հանրաքվեի արդյունքները պարտադիր չէ, որ ուժի մեջ մտնեն, քանի որ այն դեռ պետք է քննարկվի երկրի խորհրդարանում, որից հետո կկայացվի վերջնական որոշում:
