«Վինարի» կողմից շահագործվող գինու գործարանը խաղողագործների պարտքը դեռևս չի մարել: Կառավարության շենքի մոտ այսօր կրկին հավաքվել էին մի քանի տասնյակ քաղցրաշենցիներ, ովքեր պահանջում էին նախորդ տարի մթերած խաղողի դիմաց իրենց գումարները։
ՀՀ գյուղատնտեսության նախարար Իգնատի Առաքելյանը կառավարության նիստից հետո լրագրողների հետ զրույցում անդրադառնալով «Վինար» ընկերության շուրջ ստեղծված աղմուկին, նշեց. «Պետք է վարչապետի, իրավապահ մարմինների հետ քննարկում անենք, հասկանանք՝ ինչ լուծում ենք տալիս այս խնդրին… Լծակ կա ազդելու, բայց գումարը տալու լծակ չկա»:
Հարցին՝ չի՞ կարծում, որ ստեղծված իրավիճակը հետևանք է նրա, որ ժամանակին կառավարությունը ստիպեց խաղողագործներին՝ ասելով «դիմեք, մենք տեր ենք», Իգնատի Առաքելյանը պատասխանեց. «Ով ստիպել է, թող տեր կանգնի»։
Դիտարկմանը՝ նախկին վարչապետ Հովիկ Աբրահամյանն էր ստիպել, նախարարն արձագանքեց. «Դե ուրեմն թող տեր կանգնի, ինչ ասեմ»։
Նախարարը նաև նշեց, որ «Վինարի» հետ կապված ամեն ինչ անօրինական է ու այս իրավիճակից ելք չկա։
Մանրամասները՝ տեսանյութում:
