ԱՄՆ իշխանությունները հայտարարել են, թե մշակել են պլան, ըստ որի՝ 2010-2012 թթ. ընթացքում աֆղանական շրջաններում վերահսկողության իրականացումն աստիճանաբար կհանձնեն տեղական զինված ուժերին, իսկ ամերիկյան ռազմական ուժերը երկրից ամբողջությամբ դուրս կգան 2014-ին,- այս մասին գրել են ամերիկյան մի քանի պարբերականներ: Նրանք նկատել են, որ պլանի որոշ դրույթներ կրկնում են Իրաքից ամերիկյան ուժերի դուրսբերման մասին փաստաթղթի գործողությունները: Նկատենք, որ հենց այս տարի ԱՄՆ նախագահ Բարաք Օբաման հայտարարեց Իրաքում խաղաղապահ առաքելության պաշտոնական ավարտի մասին: Թերթերը հիշեցնում են, որ վերջին տարիների ընթացքում Աֆղանստանում զոհվել է ՆԱՏՕ-ի 640 զինվոր: