Ցանկացած քաղաքում, ցանկացած քաղաքային իշխանության խնդիրն այդ քաղաքի բնակիչների կյանքը հեշտացնելն է: Այս մասին այսօր «Ելք» դաշինքի դրամահավաք-երեկոյի ընթացքում ելույթ ունենալով՝ ասաց Երևանի քաղաքապետի թեկնածու Նիկոլ Փաշինյանը:
«Քաղաքային իշխանություններին պետք է հետաքրքրի՝ ինչ տանիքի տակ են քաղաքի բնակիչներն ապրում, ինչ վերելակով են իջնում եւ բարձրանում, ինչքան ժամանակում են հասնում կանգառ, էդ կանգառում ինչքան ժամանակ են սպասում քաղաքային տրանսպորտին, տրանսպորտի գալուց հետո ինչ դիրքում են երթեւեկում՝ կռացած, ոլորված, ծռված, թե արժանապատիվ նստած… Մեր թիմի առաքելությունը Երևան քաղաքում երևանցիների կյանքը հեշտացնելու առաքելությունը ստանձնելն է, որովհետև Երևանում այսօր մարդկանց կյանքն ամեն պահ սթրեսների, անհարմարությունների հետ է կապված: Երևանի քաղաքային իշխանությունները խնդիր ունեն անընդհատ նոր անհարմարություններ պատճառելու:
Մենք ի վիճակի ենք ստանձնել իշխանությունը և այդ իշխանությունը իրացնել այդ պայմանների կատարմամբ, պետք է ապացուցնեք, որ Հայաստանում ընդդիմադիրները կարող են ստանձնել իշխանությունը և ժողովուրդը կարող է գոհ մնալ իր ընտրությունից»,- ընդգծեց Փաշինյանը:
Մանրամասները՝ տեսանյութում:
