«Շիրակ կենտրոնի» աշխատակիցներիս, անօթևան և աղքատ ընտանիքներ ամեն մի այցից ու տեսանյութի պատրաստումից հետո, թվում է, թե վերջ, այլևս չենք հանդիպելու նախորդներից առավել ծանր պայմաններում ու անտեսված ապրող ընտանիքների և երեխաների, սակայն ավաղ, այդպես չէ։ Յուրաքանչյուր օր հանդիպում ենք սոցիալապես առավել խոցելի ընտանիքների ու, ի հեճուկս մեր ակնկալիքների, այդպես էլ չի նշմարվում Գյումրիում՝ բառիս բուն իմաստով անտերության մատնված աղքատության եզրագիծը:
Բելգիայի Միխելեն քաղաքի, Լևոն Շանթի անվան հայկական դպրոցի մի խումբ շրջանավարտների կողմից ցուցաբերած օգնությունը տրամադրելու նպատակով, այսօր այցելեցինք քաղաքի հարևանությամբ գտնվող սելեկցիոն կայան, որի կիսաքանդ պահակատանը իր երկու մանկահասակ երեխաների հետ ապաստանել է Սուսաննա Կիրակոսյանը: Այստեղ ևս մենք հանդիպեցինք ծայրահեղ աղքատության ճիրաններում հայտնված ընտանիքի: Նրա 1-ին դասարան հաճախող երեխաները անգամ ծննդյան վկայական չունեին:
Առավել մանրամասն` «Շիրակ կենտրոնի» պատրաստած տեսանյութում:
