«Առաջին լրատվական»-ի հետ զրույցում, անդրադառնալով դիտարկմանը, որ 114 դպրոցների և մանկապարտեզների տնօրենների գործը՝ կապված ՀՀԿ-ի օգտին մարդկանց ցուցակագրելու հետ, փոխանակ դառնար իրավապահ մարմինների լուրջ քննության գործ, 30 տնօրեններն են հայց ներկայացրել ընդդեմ «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի, Գյումրիի ժուռնալիստնեի «Ասպարեզ» ակումբի նախագահ Լևոն Բարսեղյանը նշեց. «Համարում են զրպարտություն և բարոյական վնասի համար փոխհատուցում են պահանջում 2-ական միլիոն դրամ: Սրանով ՀՀԿ-ն որոշել է վրեժ լուծել Դանիել Իոաննիսյանից և «Իրազեկ քաղաքացիների միավորում» ՀԿ-ից, իրենց համար, մեղմ ասած, այս անբարենպաստ բացահայտման համար:
Թեպետ տարիներ շարունակ խոսվում էր վարչական ռեսուրսի չարաշահման մասին, սակայն այս մեկը սարսափելի բացահայտում էր, որն ի ցույց դրեց մեր միջոցների այլանդակ չարաշահումը ՀՀԿ օգտին: ՀՀԿ-ն նման բան չէր սպասում, սրանից սարսափելի կատաղած՝ որոշեց վրեժ լուծել»:
Բարսեղյանի խոսքով՝ եթե հանրային բավարար դիմադրություն չլինի, չի վերանալու կոռուպցիան դպրոցից, և դիմադրությունը մնալու է հատվածական: Նրա դիտարկմամբ՝ հասարակությունը պետք է կռիվ տա կրթական համակարգը ապաքաղաքականացնելու համար. «Ամեն մեկս մեր անելիքն ունենք, իչքան որ ուժս պատի, ցախավելն առնելու եմ, զբաղվեմ այդ համակարգի մաքրությամբ»:
Մանրամասները՝ տեսանյութում:
