Հնդկաստանի Նյու Դելի նահանգում բժիշկները 18 ժամ տևած վիրահատության արդյունքում առանձնացրել են սիամական երկվորյակներին: Այս վիրահատությունն իր տեսակով աշխարհում 4-րդն է։
Նիգերիացի քույրեր Հուսեյնա և Հասանա Բադարուները ծնվել են մեջք մեջքի կպած:
Երկար որոնումներից հետո երեխաների ծնողները՝ Բադարուն և Մալաման, գտել են շատ լավ մասնագետի: 99 800 դոլար արժողությամբ վիրահատության ծախսերը վճարել է նիգերիացի բարեգործը:
Վիրահատությունն այնքան բարդ էր, որ բժիշկները ստիպված են եղել դրա «փորձը» մանեկենների վրա իրականացնել, հաղորդում է Mirror-ը:
«Բադարու երկվորյակներին առանձնացնելը մեծ խնդիր էր, քանի որ նրանց մոտ, այսպես ասած, սերտաճել էր աղեստամոքսային, միզասեռական և նյարդային համակարգը: Փորձի ընթացքում մենք մանրազնին ծրագրել ենք մեր գործողությունները՝ սովորելով թիմով աշխատել»,- ասել է 40 մասնագետների թիմը ղեկավարող մանկական վիրաբույժ Փրաշանթ Ջեյնը: