Տագնապալի իրադարձությունները, որ մենք սպասում էինք, կանխատեսում, որ լինելու են աշնանը, արդեն Հայաստանում են: Սեպտեմբերի 5-ին Ազատության հրապարակում ազատամարտիկների հանրահավաքի ժամանակ այս մասին հայտարարեց «Ղարաբաղ» կոմիտեի անդամ Աշոտ Մանուչարյանը:
«Մենք ասում էինք, որ գերտերությունները հուժկու բախումների մեջ են մտնելու Հայաստանի համար: Դրանք` բախումները Հայաստանի համար, Հայաստանին տիրելու, կառավարելու համար, իրականություն են դարձել, իսկ ուր ենք մենք, ուր է հայ ժողովուրդը: Բաղրամյան 26-ը Հայաստանը երբեք չի կառավարել և չի կարողանալու կառավարել»,- ասաց Մանուչարյանը:
Նրա համոզմամբ`Հայաստանը կառավարվել կարող է երեք կետերից` կամ Մոսկվայից, կամ Վաշինգտոնից, կամ Ազատության հրապարակից. ուրիշ կետ Հայաստանը կառավարելու համար գոյություն չունի:
Աշոտ Մանուչարյանի ելույթն ամբողջությամբ դիտեք տեսանյութում:
