Aftonbladet շվեդական թերթը ներկայացրել է «Եվրատեսիլ» մրցույթի ամենաաղմկահարույց սկանդալները: Հոդվածում հիմնականում ներառված են քաղաքական ենթատեքստ ունեցող սկանդալները, որոնց բազմիցս մասնակցել է նաև Ադրբեջանը՝ երկիր, որը հեռու է ժողովրդավարությունից և խոսքի ազատությունից:
Հոդվածում նշվում է, որ 2009թ. Ադրբեջանում բնակվող 43 մարդ քվեարկել է հարևան Հայաստանի օգտին: Ի պատասխան Ադրբեջանի անվտանգության նախարարությունն այդ մարդկանց հարցաքննության է կանչել:
Եվս մեկ սկանդալ Ադրբեջանի մասնակցությամբ գրանցվել է 2012թ., երբ «Եվրատեսիլն» անցկացվել է Ադրբեջանում: Հայաստանը հրաժարվեց մասնակցել մրցույթին՝ ասելով, որ Բաքվում հայ արտիստի անվտանգությունը երաշխավորված չէ: Ընդգծվում է, որ Ադրբեջանի նախագահ Իլհամ Ալիրը նույն տարվա փետրվարին ելույթներից մեկում ասել է. «Մեր գլխավոր թշնամիներն ամբողջ աշխարհի հայերն են»:
Նախագահի այս հայտարարությունը դրդել է հայկական հեռուստատեսությանը մրցույթից մեկ շաբաթ առաջ հետ վերցնել մասնակցության հայտը:
Թղթով Ադրբեջանը, հնարավոր է, ժողովրդավար է, բայց երկիրն առջևում երկար ուղի ունի, ինչ վերաբերում է մարդու իրավունքներին և մամուլի ազատությանը՝ փաստում է շվեդական թերթը:
2013-ին Մալմայում «Եվրատեսլի»-ի եզրափակիչից հետո 15min.lt լիտվական կայքը հրապարակել է գաղտնի նկարահանած հոլովակ, ոորում բացահայտվել է հեռախոսային ձայները գնելու ծրագիր. նպատակն էր, որպեսզի մրցույթում հաղթի Ադրբեջանը: Ադրյունքում ադրբեջանցի երգիչը երկրորդ տեղն է զբաղեցնում:
Ավելի ուշ մեկ այլ երկրի պատվիրակության բարձրաստիճան անդամների մեկը հաղորդել է, որ Ադրբեջանի ներկայացուցիչները մեծ գումար են խոստացել՝ այդ երկրի ժյուրիի անդամներից բարձր գնահատականների դիմաց: Եվրոպական հեռարձակողների միությունը, ինչպես նախորդ անգամ, հայտարարեց, որ որևէ ապցույց չկա առ այն, որ Ադրբեջանը խարդախության է դիմել:
