Ֆրանսիայի նախագահի թեկնածու Ժան-Լյուկ Մելանշոնը հայտարարել է, որ անհրաժեշտ է համարում ԵՄ-ի բոլոր հիմնարար պայմանագրերից Ֆրանսիայի դուրս գալը։ Այս մասին նա հայտարարել է հեռուստադեբատների ժամանակ՝ փոխանցում է TASS գործակալությունը։
«Կարծում եմ, որ Ֆրանսիան պետք է դուրս գա ԵՄ-ի բոլոր հիմնարար պայմանագրերից։ Անթույլատրելի է, որպեսզի Բրյուսելից կապիտալիստների կողմից մեզ թելադրվի, թե ինչպիսի սոցիալական և տնտեսական փոխակերպումներ պետք է անցկացնել երկրում»,-ասել է նա։
Նրա խոսքով՝ ԵՄ շրջանակները խոչընդոտում են Ֆրանսիային օգտվել սեփական «փոխակերպումների էներգիայից»։
Նա նաև հայտարարել է, որ իր կարծիքով՝ ազատ առևտրի գոտու մասին Կանադայի և ԱՄՆ-ի հետ ԵՄ պայմանագրերն էլ ավելի կվատթարացնեն Ֆրանսիայի տնտեսական դրությունը։
«Եթե մենք դուրս գանք ԵՄ-ից, ապա կկարողանանք անհրաժեշտ ուղղությամբ փոխել այլ երկրների հետ հետագայում ստորագրվելիք համաձայնագրերի դրույթները»,-ասել է Մելանշոնը։
