Ֆրանսիայի նախագահի թեկնածու, երկրի նախկին վարչապետ Ֆրանսուա Ֆիյոնը հեռուստադեբատների ժամանակ հայտարարել է, որ Ֆրանսիան չի կարող լուծել Սիրիայում տիրող իրավիճակին առնչվող հարցը, սակայն կարող է նախաձեռնել Ռուսաստանի մասնակցությամբ միջազգային դաշինքի ստեղծում, որը կպայքարի արմատական իսլամիստների դեմ։ Այս մասին հայտնում է RIA Novosti-ն։
«Ֆրանսիան չի հավակնում համաշխարհային ժանդարմի դերին։ Ֆրանսիան չի լուծի Սիրիայի հարցը»,-նշել է Ֆիյոնը։
Հիշեցնենք, որ մինչ վերջերս Ֆիյոնը համարվել է նախագահական արշավի ֆավորիտը, սակայն հայտնվել է կոռուպցիոն սկանդալի կենտրոնում, որից հետո նրա դեմ քրեական գործ է հարուցվել։
