Թուրքիան մարտական բարձր պատրաստության է բերել իր զինված ուժերը և պատրաստ է թուրք քաղաքացիների շահերը պաշտպանելու համար ցանկացած միջոցի դիմել։ Այս մասին հայտնում է РИА Новости-ն՝ հղում կատարելով Թուրքիայի ԱԳ նախարար Ահմեդ Դավութօղլուին:
Ավելի վաղ Սիրիայի վրա հնարավոր օդային հարվածների նկատի ունենալով՝ բարձր պատրաստության են բերվել նաև Իրաքի անվտանգության ուժերը:
Սիրիայում իրավիճակը օգոստոսի 21-ին հատել է ծայրահեղ սահմանը, երբ տեղեկատվություն է հայտնվել այն մասին, որ գրոհայինների դեմ ռազմական գործողությունների ժամանակ Դամասկոսի մերձակայքում կառավարական ուժերը քիմիական զենք են կիրառել: Ընդդիմությունը հայտարարել է 1300 մարդու մահվան և մի քանի հազար տուժածների մասին:
Արևմտյան երկրները, ներառյալ ԱՄՆ-ը և Բրիտանիան, օգտվել են այդ չճշտված տեղեկատվությունից, որպեսզի ՄԱԿ ԱԽ-ի նիստում բացեիբաց խոսեն Սիրիայի հակամարտությանը ռազմական միջամտության մասին:
