«Միդիա-Շանգալ» եզդիների ազգային միավորում ՀԿ նախագահ Ամո Շարոյանը բաց նամակով դիմել է Սերժ Սարգսյանին՝ խնդրելով պայմաններ ստեղծել և հնարավորություն ընձեռել, որպեսզի եզդիական համայնքն ինքը ընտրի իր ներկայացուցչին:
«Առաջին լրատվական»- ի հետ զրույցում Ամո Շարոյանը պարզաբանեց. «ՀՀ Սահմանադրության 89-րդ հոդվածի 2-րդ կետի համաձայն՝ Ընտրական օրենսգրքով սահմանված կարգով Ազգային Ժողովում ներկայացված կլինեն նաև ազգային փոքրամասնությունների ներկայացուցիչներ: Այդ նորմը մնացել է, որի համար մենք բազմիցս մեր երախտագիտությունն ենք հայտնել ձեզ, մեր երկրի ղեկավարությանը և մեր հասարակությանը՝ նման քաղաքական որոշում կայացնելու համար:
Ընտրական օրենսգրքում, սակայն, ազգային փոքրամասնությունների մասը բաց մնաց, չսահմանվեց, թե կոնկրետ ինչ կարգով պետք է ընտրվեն ազգային փոքրամասնությունների ներկայացուցիչները և ընդգրկվեն ԱԺ-ում, նման նորմ չկա:
Մեր համայնքը ցանկանում է ՀՀ Ազգային Ժողովում ոչ թե նշանակված անձ, այլ իր ընտրված ներկայացուցիչն ունենա, որը կարտահայտի եզդի ժողովրդի կամքը բոլոր հարցերում»:
Ամո Շարոյանի խոսքով՝ դեռևս նշանակված անձ չկա. «Մենք կանխարգելիչ գործողություն ենք ձեռնարկում: Ոչ մեկս չգիտենք, ով է առաջադրվելու: Պայքարում ենք, որպեսզի կանխենք, որևէ խմբի, որևէ կազմակերպության կողմից մեր ներկայացուցչի նշանակումը»:
Մանրամասները՝ տեսանյութում: