Facebook սոցցանցը երկուշաբթի հայտարարել է «ընդհանուր ֆոտոալբոմ» գործառույթի ներմուծման մասին: Այս մասին սոցցանցի ներկայացուցիչը հայտնել է Mashable տեխնոբլոգին:
Նախկինում օգտատերը կարող էր լուսանկարներ ներբեռնել միայն այն ալբոմներում, որոնք ինքն էր ստեղծել: Նոր գործառույթը թույլ է տալիս ալբոմ ստեղծողին ընտրել 50 օգտատիրոջ, ովքեր նույնպես կարող են լուսանկարներ ավելացնել այդ ֆոտոալբոմում: «Մասնակիցներից» յուրաքանչյուրը կարող է ներբեռնել մինչև 200 լուսանկար:
Երկուշաբթի այդ հնարավորությունը հասանելի է դարձել անգլալեզու հարթակների որոշ օգտատերերի: Մշակողները ծրագրում են շուտով նոր գործառույթը միացնել բոլոր անգլալեզու օգտահաշիվներին, իսկ այնուհետև ողջ աշխարհում սոցցանցից օգտվողներին: