Այսօր «ՆԱՍԴԱՔՕԷՄԷՔՍ Արմենիա» բորսայում ամերիկյան դոլարի միջին փոխարժեքը հայկական դրամի նկատմամբ կազմել է 406 դրամ: Այն գրեթե չի փոխվել նախորդ նստաշրջանի համեմատ: Կանխիկ արտարժույթի շուկայում դոլարը գնել են 405 դրամով, վաճառել՝ 407 դրամով:
Պետք է նշել, որ ԿԲ-ն շուկայից անցյալ շաբաթ 14 մլն դոլար է գնել՝ 406,09 դրամ միջին փոխարժեքով, ինչը նշանակում է, որ գլխավոր դրամատունը շահագրգռված չէ, որպեսզի դոլարը 406-ից էժանանա և ցանկանում է կանխել դոլարի անկումը:
ՆԱՍԴԱՔ ՕԷՄԷՔՍ Արմենիա ֆոնդային բորսայի վարկային ռեսուրսների հարթակում այսօր կայացել է 24 գործարք: Գործարքի ընդհանուր ծավալը կազմել է 38300000000 դրամ: Բացման տոկոսադրույքը կազմել է 9.56%, փակմանը` 9.60%, առավելագույնը` 9.60%, նվազագույնը` 9.56%: Տարեկան միջին կշռված տոկոսադրույքը կազմել է 9.5668%: