Հայոց ցեղասպանության 100-ամյակին նվիրված միջոցառումների իրականացման և Ֆրիտյոֆ Նանսենի ծննդյան 150-ամյակի կապակցությամբ հոբելյանական հուշամեդալների թողարկման նպատակով այսօր կառավարությունը որոշեց 2011 թվականի պետական բյուջեով նախատեսված կառավարության պահուստային ֆոնդից մոտ 13 մլն դրամ հատկացնել։
Այդ գումարի մի մասով բնօրինակ թանգարանային արժեքներով կհամալրվի Հայոց ցեղասպանության թանգարան-ինստիտուտի գիտական ֆոնդերի ցեղասպանության թեմային առնչվող բաժինը, իսկ մյուս մասը կուղղվի Ֆրիտյոֆ Նանսենի 150-ամյակին նվիրված «Հայոց ցեղասպանությունը և սկանդինավյան արձագանքը» թեմայով գիտաժողովին օտարերկրյա գիտնականների մասնակցության ապահովմանը, ինչպես նաև Ֆրիտյոֆ Նանսենին նվիրված հոբելյանական հուշամեդալի թողարկմանը:
