«Ժառանգություն» կուսակցության առաջնորդ Րաֆֆի Հովհաննիսյանը հանրահավաքների շարք է սկսել Երևանում և կոչ արել քաղաքական ուժերին միանալ իրեն նույն հարթակում: Aravot.am-ի հետ զրույցում հարցին՝ հնարավո՞ր է «Հանրապետություն» կուսակցությունը միանա՝ կուսակցության նախագահ Արամ Սարգսյանը պատասխանել է. «Ես այն կարծիքին եմ, որ ներքաղաքական այսօրվա եղած իրավիճակից ելնելով՝ նկատի ունեմ թե՛ սոցիալական, թե՛ տնտեսական, թե՛ բարոյահոգեբանական, թե՛ մարդկային, թե՛ իրավական, այդ ծանր վիճակից ելնելով՝ քաղաքական 1-2 ուժ կարող են միավորման հույս ներշնչել, այդ հույսով պտտվել Հայաստանով մեկ, ոտքի հանել ժողովրդին և լուրջ համախմբում ցույց տալ:
Բայց այդ համախմբումը կբերի՞ հաղթանակի, թե՞ ոչ, կարո՞ղ է հասնել հաղթանակի: Եթե չեն կարող այդ համախմբմամբ հաղթանակի հասնել, դա ավելի մեծ հիասթափություն է բերում և արտագաղթի նոր ալիք է բարձրացնելու: Ես հիմա տեսնում եմ, որ այդ հաղթանակը հնարավոր չէ, որովհետև արտաքին քաղաքական պարամետրը Հայաստանի այսօրվա կյանքում դժբախտաբար ամենաորոշիչներից մեկն է եղել»:
Ամբողջական կարող եք կարդալ aravot.am-ում
