2011 թվականի հունվար-ապրիլ ամիսների ընթացքում ՀՀ պետական բյուջեի եկամուտները կազմել են շուրջ 254.8 մլրդ դրամ, իսկ ծախսերը` 257.2 մլրդ դրամ։ Այս մասին ասվում է ՀՀ ֆինանսների նախարարության այսօր տարածած հաղորդագրությունում։ Նախորդ տարվա նույն ժամանակահատվածի համեմատ պետական բյուջեի եկամուտներն աճել են 9%-ով կամ 21 մլրդ դրամով։
Պետական բյուջեի եկամուտների 94.8%-ը ձևավորվել է հարկային եկամուտների, պետական տուրքերի և պարտադիր սոցիալական ապահովության վճարների, 5.1%-ը` այլ եկամուտների, 0.1%-ը` պաշտոնական դրամաշնորհների հաշվին։ Հարկերի և տուրքերի 47.9%-ն ապահովվել է ավելացված արժեքի հարկի հաշվին, որը կազմել է 96.4 մլրդ դրամ և 9.4%-ով կամ 8.2 մլրդ դրամով գերազանցել նախորդ տարվա նույն ցուցանիշը: