Իտալիայի իրավապահներն Էմպոլի քաղաքում մի քանի վրացիների են ձերբակալել: Նրանց բնակարանների խուզարկության ժամանակ 7 անօրինական վրացի միգրանտներ և Պիզայի ու Հռոմի բնակարաններից գողացված ապրանքներ են հայտնաբերվել:
Ինչպես տեղեկացնում է lanazione.it-ն՝ անօրինական միգրանտները հայտնաբերվել են այն վրացու տանը, ով տնային կալանքի տակ էր գտնվում: Ներկա պահին նրանք բոլորը ձերբակալված են:
Իտալական հրատարակչությունը չի նշում նրանց տվյալները, սակայն տեղեկացնում է, որ նրանք երկրից կարտաքսվեն:
Ժամանակավոր բնակարանի վրացի տանտիրոջն արդեն գողացված ապրանքներ պահելու և անօրինական ներգաղթին աջակցելու մեղադրանքներ են առաջադրվել:
