Օգոստոսի 23-ին կայացել է ՀՀ սփյուռքի նախարարին կից ատյանի նիստը: Օրակարգում ընդգրկված էր 3 հիմնական հարց. ՀՀ սփյուռքի նախարարության «Սփյուռք» ամառային դպրոց-2013» ծրագրի իրականացման մասին զեկուցել է ՀՀ սփյուռքի նախարարության համահայկական ծրագրերի վարչության պետ Ատոմ Մխիթարյանը:
Ցուցադրվել է տեսանյութ «Սփյուռք» ամառային դպրոցի առօրյայի մասին: Ընթերցվել է Արմնեն Խոսվեց ուսուցիչների վերապատրաստման դասընթացների, Սփյուռքի դպրոցների դասագրքերով ապահովելու անհրաժեշտության մասին:
ԱՊՀ տարածաշրջանի հայ համայնքների կրթամշակութային խնդիրների լուծմանն օժանդակության 2013 թ. ծրագրով նախատեսված միջոցառումների իրականացման ժամանակացույցը ներկայացրեց ՀՀ սփյուռքի նախարարության ԱՊՀ երկրների հայ համայնքների վարչության պետ Անդրանիկ Արշակյանը:
ՀՀ սփյուռքի նախարարության աշխատակազմի տեղեկատվության և հեռահաղորդակցության վարչության 2011թ. օգոստոսից 2013թ. օգոստոս ընկած ժամանակահատվածում կատարած աշխատանքների մասին զեկուցումով հանդես է եկել ՀՀ սփյուռքի նախարարության տեղեկատվության և հեռահաղորդակցության վարչության պետ Վաղինակ Վարդանյանը:
Ամփոփելով նիստը, ՀՀ սփյուռքի նախարար Հրանուշ Հակոբյանը կարևորել է մեկօրյա դպրոցների ստեղծումը, հայերենի ուսուցումը, ուսուցիչների վերապատրաստումը: Ամփոփվել են հետագա ծրագրերն ու անելիքները:
