Օգոստոսի 23-ին, ժամը 09.21-ին ահազանգ է ստացվել, որ Երևան – Դիլիջան ավտոճանապարհի 86-րդ կմ-ում տեղի ունեցել ՃՏՊ, կան տուժածներ. անհրաժեշտ է փրկարարների օգնությունը:
ԱԻՆ լրատվական ծառայությունից «Առաջին լրատվական»-ին հայտնում են, որ դեպքի վայր է մեկնել մեկ մարտական հաշվարկ:
Տեղում պարզվել է, որ դեռևս չբացահայտված հանգամանքերում, «ՊԱԶ» մակնիշի 62SL361 պետհամարանիշի ավտոմեքենան դուրս է եկել ճանապարհի երթևեկելի մասից և գլորվել ձորը:
Մինչ հրշեջ-փրկարարների կանչի վայր հասնելը` Արմավիրի մարզի Փարաքար գյուղի հիմնական դպրոցի ուսուցիչներ Ա. Ն.-ը(տնօրեն),Գ. Ա.-ն, Հ. Խ.-ն, Ն. Բ.-ն, Ժ. Ս.-ն, Ց. Պ.-ն, Ն. Գ.-ն, Լ. Հ.-ն, Շ. Մ.-ն, Գ. Զ.-ն, Կ. Վ.-ն, Դ. Մ.-ն, Հ. Պ.-ն, Լ. Գ.-ն, Ա. Մ.-ն, Ն. Գ.-ն, Ա. Գ.-ն և Կ. Ա.-ն տեղափոխվել են Դիլիջան քաղաքի ԲԿ:
Ըստ բժիշկների` տուժածներ Ն.Գ.-ի և Լ.Գ.-ի առողջական վիճակը գնահատվել է ծանր, իսկ մյուսներինը՝ միջին ծանրության:
Հրշեջ-փրկարարները հոսանքազրկել են ավտոբուսը և դադարեցրել գազի արտահոսքը:
Լուսանկարը՝ 168.am-ի
