Յուրաքանչյուր 10-րդ բրիտանացի երեխա իր առաջին բջջային հեռախոսը ստանում է 5 տարեկանում՝ գրում է The Mirror-ը: Սոցիոլոգիական հարցումների արդյունքում պարզվել է, որ գլխավոր պատճառը երեխաների անվտանգությունն է: Շատ ծնողներ իրենց երեխաների համար առաջին հեռախոսը գնում են այն ժամանակ, երբ նրանք ավարտում են ուսումը տարրական դասարաններում՝ մոտ 11 տարեկանում:
«Կարծում եմ՝ շատ ծնողներ իրենց երեխաների համար սմարթֆոններ են գնել, որպեսզի զբաղեցնեն նրանց, երբ նրանք ձանձրանան»,- կարծում է uSwitch կայքի մասնագետ Էռնեստ Դոկուն:
Դպրոցականները բջջային կապի վրա ամսական միջինը ծախսում են 11 ֆունտ: Դա կրկնակի քիչ է իրենց ծնողների ծախսերից: Երեխաների միայն 10 տոկոսն է ծնողներից ավելի շատ ծախսում:
Ծնողների 42 տոկոսը մանրակրկտորեն չի զբաղվում երեխայի բջջայինի վերահսկողությամբ: Ծնողների միայն մեկ քառորդն է սահմանափակում իր երեխաների շփումերը, իսկ 3 տոկոսն անջատում է բոլոր գործառույթները, բացի զանգերից ու SMS հաղորդագրություններից:
