Տասնյակ հազարավոր բրիտանացիներ ողջ երկրով մեկ երկուշաբթի երեկոյան բողոքի ակցիաներ են անցկացրել ընդդեմ ԱՄՆ նախագահի միգրացիոն հրամանագրի։ Ցուցարարները կոչ են արել նաև բրիտնական իշխանություններին թույլ չտալ Թրամփի պետական այցը Լոնդոն։ Այս մասին հայտնում է RIA Novosti-ն։
Բողոքի ակցիաներ են անցկացվել Լոնդոնում, Մանչեսթերում, Քարդիֆում, Նյուքասլում, Էդինբուրգում, Գլազգոյում, Բրայթոնում և բրիտանական այլ քաղաքերում։ Ցուցարարների ձեռքերին եղել են հակառասիստական կարգախոսներով ցուցապաստառներ։ Թրամփի այցի դեմ միջնորդագրին միացած մարդկանց թիվն արդեն գերազանցում է 1.5 միլիոնը։
Լոնդոնում ցուցարարները հավաքվել էին Դաունինգ սթրիթում՝ վարչապետ Թերեզա Մեյի գրասենյակի մոտ, ով երկուշաբթի ավելի վաղ հայտարարել էր, որ ԱՄՆ-ը հանդիսանում է Մեծ Բրիտանիայի մոտ դաշնակիցը, և որ Թրամփի համար հրավերն ուժի մեջ է մնում։
Ցույց է անցկացվել նաև Ճապոնիայի մայրաքաղաք Տոկիոյում։ Մոտ 30 անձիք, գլխավորապես Ճապոնիայում բնակվող ԱՄՆ քաղաքացիներ, ամերիկյան դեսպանատնից ոչ հեռու բողոքի ակցիա են անցկացրել ընդդեմ Թրամփի հրամանի, որով դադարեցվել է Մերձավոր Արևելքի և Աֆրիկայի 7 պետություններից քաղաքացիների մուտքն ԱՄՆ։