Կոմիտասի պողոտայի թիվ 20 շենքի առջև առանց շենքի բնակիչների համաձայնության սկսվել է լայնածավալ շինարարություն։ Շենքի ողջ երկայնքով մայթի վրա սկսված շինարարության արդյուքնում մայթի կեսը փակվելու է։ Շինարարությունը սկսելու համար մոտ 50 մետր զբաղեցնող տարածքում ծառերը հատվել են, գազոնը՝ վերացվել։
Շինարարություն սկսելու համար քաղաքապետարանը թույլատրություն տվել է, սակայն շենքի 132 բնակիչներ դեմ են այդ ծրագրին և արդեն բողոքի դիմում են ներկայացրել քաղաքապետարան։ Որևէ պատասխան բնակիչները չեն ստացել, իսկ շինարարական աշխատանքները՝ Հայաստանում ընդունված կարգի համաձայն, շարունակվում են։
Հատվել են նաև նույն շենքի հարևանությամբ գտվող մի քանի հաստաբուն ծառեր, իսկ մյուսները ոչնչացման շեմին են։ Այս իրավիրճակի պատճառը դեռ երկու տարի առաջ սկսված և ապա դադաեցված շինարարությունն է։ Այժմ թիթեղյա պատնեշով փակված տարածքը վեր է ածվել աղբանոցի, իսկ ծառերը չորանում են՝ ոռոգում չստանալու պատճառով։
