Շուտով Корни խմբի մենակատար Ալեքսեյ Կաբանովն իր հարսնացու Ռոզայի հետ ԶԱԳՍ կգնա: Երգիչը «7 Дней» ամսագրին պատմել է, թե ինչպես է պատրաստվում նշել հասանիքը:
Ապագա կնոջ՝ Ռոզալիա Կոնոյանի հետ Կաբանովը ծանոթացել է մեկ տարի առաջ, երբ տուրիստական բիզնես ֆակուլտետի ուսանողուհին սոցցանցում նրան նամակ էր գրել: Կաբանովը խոստովանել է, որ այդ սոցցանցում իրեն 47 հազար աղջիկներ են գրում, և ամեն օր նրանց թիվը մի քանի հարյուրով ավելանում է, սակայն ինքը հազվադեպ է նրանցից որևէ մեկի հետ երկխոսության մեջ մտնում: Սակայն Ռոզան նրան միանգամից գրավել է:
Ապագա ամուսինների առաջին հանդիպումը կայացել է օգոստոսի 5-ին, այժմ ամեն ամսվա հինգին սիրահարները նշում են իրենց հանդիպման օրը: Իրենց հանդիպման տասնմեկերորդ ամսում երգիչն աղջկան ամուսնության առաջարկ է արել: Տղան ընկերուհուն արևելյան ռեստորան է հրավիրել, իսկ այնտեղ անսպասելիորեն բեմ է բարձրացել և երգել նրա համար, որից հետո նա Ռոզային բեմ է հրավիրել, ծնկի իջել նրա առջև և ասել. «Ես մի փոքրիկ առաջարկ ունեմ իմ փոքրիկ արքայադստերը…»: Մի շաբաթ անց զույգը ԶԱԳՍ-ում դիմում է ներկայացրել: Հարսանիքը նշանակված է սեպտեմբերի 13-ին՝ ուրբաթ օրը: «Մենք սնահավատ չենք՝ իսկական սերը թվերից կախված չէ»,- նշել են սիրահարները:
Արարողությունը ռուս-հայկական ոճով է ծրագրված. սկզբում փեսացուի ուսին լավաշ կգցեն, այնուհետև հարսնացուին աղ ու հաց կհյուրասիրեն: Ճաշացանկը նույնպես ինտերնացիոնալ կլինի՝ օլիվյե, տոլմա…: Իսկ երաժշտական ծրագրում ռուսական և հայկական երգերից բացի, կհնչեն նաև Կաբանովի աստղային կոլեգաների ելույթները:
