Կատալոնական «Բարսելոնա»-ի ղեկավարությունը մեծ ուշադրությամբ հետևում է Մադրիդի «Ռեալ»-ի դարպասապահ Իկեր Կասիլյասի շուրջ ստեղծված իրավիճակին: Եթե առաջիկա օրերին դարպասապահի և թիմի գլխավոր մարզիչ Կարլո Անչելոտիի վիճաբանությունը չհարթվի, կատալոնացիները պատրաստ են համարձակ քայլ կատարել` փորձել ձեռք բերել Կասիլյասի իրավունքները:
Իսպանիայում դժվարությամբ են հավատում իրադարձությունների նման զարգացմանը, սակայն «Բարսելոնա»-ի ղեկավարներին մոտ եղած աղբյուրները հավաստիացնում են, որ «կապտանռնագույններ»-ն ամենայն լրջությամբ ուսումնասիրում են Կասիլյասի թեկնածությունը:
Հիշեցնենք` Իսպանիայի հավաքականի դարպասապահը չի ընդգրկվել «արքայական ակումբ»-ի հիմնական կազմում` Պրիմերայի 1-ին տուրի շրջանակներում կայացած «Բետիս»-ի դեմ խաղում: Ավելի վաղ հայտարարվել էր, որ Անչելոտին չի վստահում Կասիլյասին և առաջիկայում պատրաստվում է հիմնական կազմում ընդգրկել Դիեգո Լոպեսին:
