ԴԱԻՇ ահաբեկչական խմբավորման գրոհայինները Իրաքի Թել-Քայֆ քաղաքի քրիստոնեական գլխավոր եկեղեցին վերածել են երեխաների նախապատրաստման կենտրոնի, որոնք կռվում են գրոհայիննեի կողմից, հաղորդում է Rudaw քրդական հեռուստաալիքը։
Ինչպես հաղորդել են ականատեսները, ահաբեկիչները քանդել և այրել են քաղաքի եկեղեցիների մեծ մասը, որի բնակիչները հիմնականում ասորիներ են և դավանում են քրիստոնեություն։ Քաղաքի «Սուրբ սիրտ» անունով գլխավոր եկեղեցին գրոհայինները անվանափոխել են «Աբու Տալհա Ալ-Անսարի» և վերածել այպես կոչված «խալիֆայության երեխաների» նախապատրաստման բազայի։ Ինչպես հաղորդում է հեռուստաալիքը, կենտրոնում ուսումը տևել է 15-20 օր, որից հետո երեխաներին ուղարկել են մարտի դաշտ։
«Նրանք երեխաներին մզկիթ էին բերում, որպեսզի վերջիններս հավատարմության երդում տային խալիֆայությանը։ Դրանից հետո երեխաները ուսուցում էին անցնում եկեղեցում, որից հետո մեկնում էին մարտի դաշտ։ Նրանց մեծ մասը մինչև 15 տարեկան էր, երեխաներին ասում էին, որ կհայտնվեն երկնքում»,-ասել է քաղաքի բնակիչներից մեկը։