Այս տարի մայիսին կազմակերպվելու է Հովհաննես Այվազովսկու ծննդյան 200-ամյակին նվիրված մեծ ցուցահանդես: Հունվարի 17-ին լրագրողների հետ հանդիպման ժամանակ տեղեկացրեց Հայաստանի ազգային պատկերասրահի տնօրեն Արման Ծատուրյանը:
«Ավելի քան մեկ տարի է ինչ պատրաստվում ենք այդ ցուցահանդեսին: Ցուցադրվելու են Այվազովսկու՝ մեր պատկերասրահում գտնվող բոլոր աշխատանքները, ինչպես նաև ներկայացվելու են նկարչի գրաֆիկական գործերը, որոնք նախկինում երբևէ պատկերասրահում չեն ցուցադրվել: Ռուսաստանի տարբեր թանգարաններից բերվելու են նկարչի 16 աշխատանք»,- նշեց Ծատուրյանը և հավելեց, որ իրենք ներկայումս բանակցություններ են վարում Մխիթարյանների հետ, որպեսզի միաբանությունում գտնվող «Քաոս» նկարը նույնպես ընդգրկված լինի ցուցահանդեսում:
ՀԱՊ-ի տնօրենը հայտնեց, որ 2017 թվականի ընթացքում Այվազովսկու ստեղծագործությունների ցուցահանդեսներ են կազմակերպվելու նաև արտերկրում:
