Грузия online-ի փոխանցմամբ, Վրաստանի նախագահ Միխեիլ Սաակաշվիլին անդրադարձել է ընդդիմության կազմակերպած բողոքի ակցիաներին.
«Ընդդիմության գործողությունները չեն կարող կասեցնել Վրաստանի զարգացումը: Ես զարմացած չեմ նրանից, որ ընդդիմությունը դիմակահանդես է կազմակերպել մայրաքաղաքի փողոցներում: Վրացիների համար դա պատմական դեժավյու է»:
Ակնարկելով Ռուսաստանի հետ ունեցած վրացական ընդդիմության կապերը՝ Սաակաշվիլին նշել է. «Դարեր ի վեր Վրաստանում գոյություն են ունեցել «երիտասարդ ժառանգներ», որոնք փախել են այլ երկիր՝ գահ ստանալու համար:
Սակայն ընդդիմությունը դրանով ոչնչի չի հասնի: Դիմակահանդեսը նրան անհրաժեշտ էր զբոսաշրջային և ներդրումային ոլորտներին վնասելու համար: Սակայն մեզ ոչինչ չի կարող կանգնեցնել»:
Հիշեցնենք, որ Վրաստանի տուր-օպերատորները բավական անհանգստացած էին ընդդիմության ակցիաներից՝ համարելով, որ դրանց ձգձգումը սպառնալիքի տակ կդնի զբոսաշրջային սեզոնի բացումը: