Դժվար թե Apple-ի նոր արտադրանքի երկրպագուներն առաջվա պես հերթեր գոյացնեն խանութների մոտ վաճառքի նախորդ գիշերը՝ հաղորդում է The Australian-ը: Ընկերության հիմնադրի մահվանից հետո i-սարքերը դադարել են զարմացնել սպառողներին իրենց ինովացիաներով:
Աշնանը սպասվող iPhone 5S-ը և նրա ավելի էժան 5C տարբերակն արդեն «մշակութային ֆենոմեն» չեն դառնա: Հայտարարված փոփոխությունները չնչին են, տեխնիկական առաջընթաց չի լինելու: Օրինակ, iPhone-ի նոր տարբերակը հագեցած է լինելու մատնահետքերը ճանաչելու ծրագրով, սակայն հեռախոսի տեխնիկական միջուկը լուրջ չի փոփոխվել:
MSN Money-ն համարում է, որ iPhone-ի համբավի նվազման պատճառը մրցակցության ավելացումն է շուկայում, մասնավորապես՝ Samsung-ի արտադրանքների ի հայտ գալը: Այն սպառողների ուշադրությանն է ներկայացնում Apple-ից ոչ պակաս սարքավորումներ:
