Հանցագործության բացակայության հիմքով կարճվել է «Եպիսկոպոս» նկարի գործը, որը Պոլսո պատրիարքական փոխանորդ Արամ արքեպիսկոպոս Աթեշյանի պնդմամբ գողացվել է պատրիարքարանից: ՀՀ քննչական կոմիտեն պատասխանել է գործի վերաբերյալ «Արմենպրես»-ի հարցմանը: Ստորև ներկայացնում ենք պատասխանն ամբողջությամբ:
«Քրեական գործով նշանակված փորձաքննության ընթացքում փորձագետները եզրակացրել են, որ գեղանկարի ներկանյութերի փորձանմուշներում ֆտալոցիանինի բացակայությունը նշանակում է, որ հետազոտվող ներկանյութերը պատրաստված են մինչև 20-րդ դարի երկրորդ կեսը, իսկ գեղանկարի կտավի հենքի և թեզանի կազմի մեջ բնական վուշե անգույն մանրաթելերի առկայությունը համապատասխանում է «Եպիսկոպոս» պայմանական անվանումով նկարի ստեղծման ժամանակաշրջանին։ Ըստ փորձագետների՝ ներկայացված նկարը հավանաբար ստեղծել է Հովհաննես Այվազովսկին։ «ԵպիսկոպոÕ ½» պայմանական անվանումով նկարը դիմանկարային ժանրի 19-րդ դարի վերջին բնորոշ ռեալիստական ոճի կատարված աշխատանք է, ունի գեղարվեստական արժեք, բնօրինակ է և ստեղծվել է 19-րդ դարի վերջին՝ ենթադրվում է Ռուսաստանում։
Այսպիսով՝ քննությամբ ձեռք բերված ապացույցները գնահատելով թույլատրելիության, վերաբերելիության, իսկ ամբողջ ապացույցներն իրենց համակցության մեջ՝ գործի լուծման համար բավարարության տեսակետից, ձեռք չեն բերվել փաստական տվյալներ այն մասին, որ այն 2005թ. Պոլսո Պատրիարքարանից անհետացած Արամ Խաչատուրյանի հեղինակած նկարն է, այլ ապացույցներ են ձեռք բերվել, որ նշված նկարը սեփականատերը ձեռք է բերել 1971թ. Ղրիմի Ֆոդոսիա քաղաքում և նման պայմաններում բացակայում է խարդախությամբ առանձնապես խոշոր չափի գումար հափշտակելու փորձ կատարելու հանցագործության դեպքը»:
