Լոս Անջելեսի Բըրբանք քաղաքի բնակիչ Ռաֆայել Թորոսյանը ձերբակալվել է այն բանից հետո, երբ լազերային ճառագայթներ է գցել քաղաքի Bob Hope օդանավակայանում վայրէջք կատարող ուղղաթիռի անձնակազմի վրա` լուրջ վտանգներ ստեղծելով օդանավի համար: Այս մասին հաղորդում է The Glendale News Press-ը:
Նա մի քանի անգամ կատարել է նույն գործողությունը, մինչև ոստիկանությունը հայտնաբերել է նրան և ձերբակալել: Հաղորդվում է, որ ուղղաթիռը պարեկային գործողությունից հետո վերադառնալիս է եղել օդանավակայան, երբ տեղի է ունեցել այդ միջադեպը:
Օդանավակայանի աշխատակիցները հաղորդում են, որ այս տարի «լազերային ահաբեկչության» 6 դեպք է արձանագրվել: Նախորդ տարվա ընթացքում նման դեպքերի թիվը հասել է 37-ի: Ոստիկանությունը նոր միջոցներ է ձեռնարկում նման դեպքերը կանխելու համար: