Հին ավանդույթների համաձայն՝ սխտորի մեկ ատամը կարող է պաշտպանել վամպիրների հարձակումներից, սակայն այս բանջարեղենն այլ կարևոր հատկանիշներ ևս ունի: Չինացի գիտնականները հայտնաբերել են, որ հում սխտորն, իրոք, կարող է պաշտպանել թոքերի քաղցկեղից:
Ուսումնասիրողները ենթադրում են, որ այդ հատկության գաղտնիքը սխտորի մեջ պարունակվող ալիցին քիմիական միացությունն է, որը ոչ միայն նվազեցնում է բորբոքումները, այլև զգալիորեն նվազեցնում է օրգանիզմում ազատ ռադիկալներից առաջացած վնասները: Ուսումնասիրության համար գիտնականների խումբը 2003-2010 թթ. 1424 թոքերի քաղցկեղով հիվանդ և 4500 առողջ մարդկանց է ուսումնասիրել: Արդյունքները ցույց են տվել, որ հում սխտորը չծխողների մոտ 44 %-ով նվազեցնում է թոքերի քաղցկեղով հիվանդանալու ռիսկերը:
