Մեր ժամանակների ամենաքննարկվող դերասաններից մեկը՝ Ռոբերտ Փաթինսոնը, ջանում է խուսափել մամուլի ուշադրությունից՝ չնայած, պետք է խոստովանել, որ նորաձև բրենդների հետ բազմամիլիոնանոց պայմանագրերն ու կինոծրագրերում նկարահանվելն այդ հարցում չեն օգնում նրան: Սակայն, ինչպես պարզվել է, դերասանը չի ցանկանում ընդմիշտ դերասանությամբ զբաղվել:
Իսկ թե ինչով կզբաղվի Փաթինսոնը հետագայում, դերասանը դեռ չի որոշել, նա հույսը ճակատագրի վրա է դրել:
«Մթնշաղի» մասին դերասանն ասել է, որ անկեղծորեն ուրախ է, որ այն իր տրամաբանական ավարտն է ունեցել, ինչպես և իր շքեղ սանրվածքը:
Նոր կարճ սանրվածքը չի նվազեցրել Փաթինսոնի հմայքը, ընդհակառակն՝ նոր ոճում նա այս սեզոնի ամենախոշոր գովազդային արշավներից մեկի՝ Dior Homme-ի նոր բույրի հերոսն է դարձել:
Զգայուն, սակայն ազատասեր Ռոբերտը գիտի նաև իր ուժեղ կողմերը. «Մթնշաղի» շնորհիվ նա իր մեջ նոր տաղանդ է բացահայտել՝ վաճառել է այն ամենը, ինչը ցուցադրում է տեսախցիկի առջև, իսկ նրա այդ ընդունակությունները հաճույքով օգտագործում են նորաձևության հսկաներն ու կինոպրոդյուսերները:
Ակնհայտ է, որ մոտակա տարիներին Փաթինսոնը չի ավարտի իր դերասանական կարիերան. նրան են սպասում առնվազն երեք ֆիլմերի նկարահանումներ, ներառյալ՝ «Անապատի թագուհին» և «Բռնվիր ինձանից» ֆիլմերը:
