Վրացական Apsny.ge կայքի փոխանցմամբ, վրացական ընդդիմության առաջնորդներից, խորհրդարանի նախկին խոսնակ Նինո Բուրջանաձեն այսօր Թբիլիսիում հայտարարել է, որ չի բացառում իր ձերբակալությունը.
«Մեր ձերբակալության համար իշխանությունները որևէ իրավական հիմք չունեն: Սակայն եթե դա տեղի ունենա, մենք կդիմանանք դրան: Եթե դա անհրաժեշտ է, որպեսզի գործընթացը տեղից առաջ շարժվի, որպեսզի երկրում այլևս չիշխի բռնապետությունը և չհաղթի նեոբոլշևիզմը, հնարավոր է, որ վերջիվերջո կարճատև ժամկետով հայտնվենք բանտում: Իհարկե դա այնքան էլ հաճելի բան չէ:
Իշխանությունները կարող են ընդդիմադիրներին ներկայացնել ամեն տիպի մեղադրանքներ, քանի որ դրա համար նրանց պետք չեն փաստարկներ»:
Հիշեցնենք, որ բողոքի ակցիաներ անցկացնելու վրացական ընդդիմության թույլտվության ժամկետն ավարտվում է մայիսի 25-ին, իսկ հաջորդ օրը Թբիլիսիում կայանալու է Վրաստանի անկախությանը նվիրված ռազմական շքերթը: