Վրաստանի Լեյբորիստական կուսակցությունն այսօր պաշտոնապես Կենտրոնական ընտրական հանձնաժողովին է ներկայացրել 31 հազար ստորագրություն՝ հաջակցություն նախագահի թեկնածու Շալվա Նաթելաշվիլիի:
«Այսօր մենք ԿԸՀ-ին ենք ներկայացրել տասնյակ հազարավոր ստորագրություններ՝ հաջակցություն Շալվա Նաթելաշվիլիի, ինչը Կենտրոնական ընտրական հանձնաժողովին թույլ է տալիս նրան պաշտոնապես գրանցել որպես նախագահի թեկնածու»,- ասել է կուսակցության առաջնորդներից Գեորգի Գուգավան:
Բացի այդ, Լեյբորիստական կուսակցությունը հանդես է եկել ԿԸՀ նախագահի նշանակման նոր կարգի առաջարկությամբ։
Գուգավան նաև հայտարարել է, որ ԿԸՀ-ն պետք է համալրվի այն կուսակցությունների ներկայացուցիչներով, որոնք բյուջեից են ֆինանսավորվում:
«ԿԸՀ-ի յուրաքանչյուր անդամ այբբենական կարգով մեկ շաբաթվա ընթացքում պետք է կատարի նախագահի գործառույթները»,- Գուգավայի խոսքերը մեջբերում է Apsny.ge կայքը:
