Այսօր ԱԺ արտահերթ նիստում «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքում լրացումներ և փոփոխություն կատարելու մասին օրենքի նախագծի քննարկման ժամանակ ԱԺ ԲՀԿ խմբակցության պատգամավոր Գուրգեն Արսենյանը, դիմելով հիմնական զեկուցող, պաշտպանության նախարար Վիգեն Սարգսյանին, նշեց. «Փոփոխությունները, որ բերել եք, ունեն հետևանք, իմ կարծիքով՝ այդ հետևանքները բերում են մի իրավիճակ, երբ որ այդ հիմնադրամը ստանալու է ցեմենտ-բետոնե կարգավիճակ, այսինքն՝ պաշտպանված է լինելու պատկան մարմինների կողմից իրականացվող ցանկացած գործողություններից»:
Գուրգեն Արսենյանի խոսքով՝ ստացվում է, որ ՀՀ պետության ներսում ստեղծվում է մի օղակ, որը այսպես ասած, պետություն է պետության մեջ: Նա հետաքրքրվեց, թե արդյոք սա ամենակարևոր գործոնն է հայկական պետականության գործունեության մեջ:
«Սիրող-չսիրող մարդկանց բերանը մաստակ է դրվելու. կսկսվի քննարկվել, եթե մենք այստեղ սխալներ թույլ տանք»,- նշեց Գ. Արսենյանը:
Մանրամասները՝ տեսանյութում:
