ԱԺ ԲՀԿ խմբակցության անդամ Աբրահամ Մանուկյանն այսօր ԱԺ-ում լրագրողների հետ զրույցում հայտարարեց, որ ինքը երբեք կոնֆլիկտ չի ունեցել ԲՀԿ խմբակցության ղեկավար Նաիրա Զոհրաբյանի հետ: Եվ անդրադառնալով դիտարկմանը, որ Գագիկ Ծառուկյանի վերադարձով ԲՀԿ-ի կոնֆլիկտները կհարթվեն, նա նշեց, որ կոնֆլիկտներ չեն եղել, որ հիմա հարթվեն:
Պատգամավորի դիտարկմամբ՝ ԲՀԿ-ի վարկանիշը մի քանի անգամ կբարձրանա Գագիկ Ծառուկյանի վերադարձով: Աբրահամ Մանուկյանն ընդգծեց, որ Գագիկ Ծառուկյանի վերադարձի հանրային մեծ պահանջ կա։
Անդրադառնալով Ծառուկյանի՝ քաղաքականությունից հեռանալուն, պատգամավորը հիշեցրեց. «Դուք հիշո՞ւմ եք այդ ժամանակ Ծառուկյանի հետ կապված հայտարարությունը։ Նախ շրջանառության մեջ մտավ այն հայտարարությունը, որ Գագիկ Ծառուկյանը միլիարդներ է գողացել և այլ հանցագործությունների մեջ էր մեղադրվում։ Եթե այդ ժամանակ Գագիկ Ծառուկյանը հետ չկանգներ քաղաքականությունից, ապա դրա հետևանքները շատ անկանխատեսելի կլինեին։ Տարի ու կես ստուգվեց, ոչ մի բան չարձանագրվեց»։
Ա. Մանուկյանն ընդգծեց, որ բոլոր այն մարդիկ, ովքեր վիրավորական արտահայտություններ են արել ժամանակին Գագիկ Ծառուկյանի հասցեին, սխալ են եղել. «Սխալ են այն մարդիկ, ովքեր նման արտահայտություններ են արել, երբեք պետք չէ կամուրջները մինչև վերջ այրել», – ասաց նա՝ հավելելով, որ Գ. Ծառուկյանը մեծահոգի է, նա հայտարարել է իր ներելու մասին:
Պատգամավորը նաև նշեց, որ ինքը, ի տարբերություն Գ. Ծառուկյանի, սովոաբար չի ներում։
Մանրամասները՝ տեսանյութում:
