Գյուղատնտեսական հիմնական մշակաբույսերի և բազմամյա տնկարկների ցանքատարածությունները Հայաստանում տարեցտարի նվազում են։
Սա երևում է Ազգային վիճակագրական ծառայության օրերս հրապարակած «Պարենային ապահովություն և աղքատություն, 2011 թ. հունվար-մարտ» զեկույցի տվյալներից։ Եթե 2006 թ. ցանքատարածությունների մակերեսը կազմել է 310.2 հազար հեկտար (հա), ապա 2007-ին այն կազմել է 306 հազար հա, 2008-ին՝ 304.5 հազար հա, 2009-ին՝ 300 հազար հա, իսկ 2010-ին՝ 283.6 հազար հա։
Հացահատիկային և հատիկաընդեղենային մշակաբույսերի ցանքատարածությունները, 2006 թ. 182.4 հազար հա-ի փոխարեն, 2010 թ. կազմել են 159.3 հազար հա։ Ընդ որում, նվազել են ինչպես ցորենի և կարտոֆիլի, այնպես էլ բանջարանոցային մշակաբույսերի և բոսանային մշակաբույսերի ցանքատարածությունները։
