Լեդի Գագան Քեթի Փերիի հետ կիսվել է նոր երգերը համացանցում հայտնվելու դժգոհությամբ: Փոփ-աստղն իր գործընկերոջը Twitter-ում առաջարկել է «բահով որոշ ցանցահենների ծեծել», քանի որ նրանք օգոստոսի 10-ին համացանցում տեղադրել էին Գագայի Applause և Քեթի Փերիի Roar սինգլները:
Քեթի Փերին Գագային պատասխանել է, որ անհամբերությամբ սպասում է Applause սինգլի պաշտոնական թողարկմանը, որը տեղի կունենա օգոստոսի 19-ին: Իսկ Փերիի Roar-ը պաշտոնապես ներկայացվելու է այսօր՝ օգոստոսի 12-ին: Փերիի սինգլը նախկինի պես հասանելի է համացանցում, իսկ Գագայի երգից կարելի է միայն հատվածներ լսել:
Երկու երգչուհիներն էլ այս աշնանը ծրագրում են նոր ալբոմներ թողարկել: Լեդի Գագան նախօրոք LittleMonsters.com կայքում իր երկրպագուներին կոչ է արել չվիճել Քեթի Փերիի երկրպագուների հետ:
Իսկ Artpop-ը կթողարկվի նոյեմբերի 11-ին և կդառնա Լեդի Գագայի չորրորդ ստուդիական ալբոմը: Քեթի Փերիի հինգերորդ՝ Prism ալբոմը կթողարկվի հոկտեմբերի 22-ին:
