Ինդոնեզիայի Թմրանյութերի անօրինական շրջանառության դեմ պայքարի ազգային վարչությունը Ջակարտայի կենտրոնում ոչնչացրել է 900 կգ թմրանյութ՝ երկրի նախագահ Ջոկո Վիդոդոյի ներկայությամբ։ Այս մասին հայտնում է Jakarta Globe-ը։
«Սա վիթխարի քանակություն է, և նման ապացույցը պետք է մեզ համոզի նրանում, որ մենք լուրջ պատերազմ ենք մղում թմրամիջոցների դեմ»,-ասել է պետության ղեկավարը։
Գործողությունների անցկացման արդյունքում 29 թմրադիլերներ են ձերբակալվել։
Նախագահի խոսքով՝ թմրամիջոցները խլում են տարեկան 15 հազար ինդոնեզացու կյանք։
Ինդոնեզիայի ոստիկանության տվյալներով՝ երկրում թմրամոլների ընդհանուր թիվը հասել է 4.1 միլիոնի (բնակչության մոտ 2.2 տոկոսը), իսկ թմրամոլության հասցրած ֆինանսական վնասը տարեկան գերազանցում է 4 միլիարդ դոլարը։
